Koo* De Man!
see yah jesas
De Man naked as de day him born.
Koo him tings swingin
from side to side like
horse tail a fan fly.
Him poor mama mus wish him dead
sheself dead an de whole society.
Unnu come look pan
de Man stark-starin naked
ah walk pan Kingston Street.
De pickney dem eyes jus ah
feast pan him tings
like bees pan sugar cane.
Run guh cova De Man tings
Lawd! madhouse full
Wha wrong wid de society eh?
Wha do eeh?
Wha mek people mus mad
galang an nubody pay
dem mind.
De society ahfi tap
hold debate an check
its disease.
* Koo - look at