Bush! Bush! Bush!
All man see
is bush.
Every mornin
walk nearly mile fi
catch water;
water in bucket wet-up
me clothes.
Heavy bucket crushin
me brains.
Bwoy! Life hard sah.
Climb up hill, cut thru
track get up before daylite,
Duppy an Rolling-Calf
all through de nite
mek sleep hard.
Pit-toilet far
from house especially
since nite so dark.
Three miles walk
to school pon rough
gravel road wid no
shoes to cut de bruise.
Mama guh a river
fi wash we clothes.
Papa guh a bush
all day til nite an
when school time come
still nuh money
fi buy shoes
Two-cents
buy snow-ball
fah lunch; home-work
by lantern lite.
A thatch-roof hut
from coconut boughs,
corn-meal dumplin an
mackerel again.
Country life nuh joy
me bwoy.